Во рамки на својата промотивна кампања за упис на нови студенти во академската 2018-2019 година, тим од УТМС одржа презентација пред матурантите од средното училиште „Јане Сандански“ во Струмица.
Во текот на презентацијата беа потенцирани 10-те причини за студирање на УТМС. Во таа насока препознатливоста беше истакната преку меѓународно признатата диплома, методологијата на студирање, ескпертските предавања, организацијата и спроведувањето на задолжителната пракса и изведувањето на наставно-научните практикуми, програмата за академска мобилност Еразмус+, современите логистички услови за студирање, како и поединечните специфики на наставните програми на секој факултет.
Особен интерс кај матурантите предизвикаа методологијата на студирање, непосредниот однос и грижата на вработените за студентите во однос на стекнување квалитетни знаења и вработување.