На 03. и 04. 10.2024 година се одржа 16. Конференција за човечки ресурси во организација на Македонската асоцијација за човечки ресурси. На истата присуствуваа претставници од Универзитетот Скопје, проф. д-р Александра Стоилковска и доц. д-р Гордана Серафимовиќ.

Првиот ден од Конференцијата се одржа во Хотел Холидеј Ин, каде претседателот на Македонската асоцијација за човечки ресурси, м-р Дарко Перовски, инаку претседател на Одборот за доверба со јавноста на Факултетот за менаџмент на човечки ресурси, ја отвори Конференцијата со прогоден збор.

Вториот ден од Конференцијата се одржа во М6 Едукативен центар Скопје. На конференцијата учествуваа реномирани менаџери на човечки ресурси од земјата и од странство. Оваа година конференцијата имаше импозантен број на посетители.